Hvernig leikjavæðing er að breyta markaðssetningu og hvernig þú getur nýtt hana

Samantekt frá morgunviðburði Sahara & Playable

Hvað ef markaðssetningin þín myndi ekki bara ná athygli heldur halda henni? Það var kjarninn í morgunviðburði sem við héldum hjá Sahara í samstarfi við Playable, þar sem við fórum yfir hvernig leikjavæðing (e. gamification) er að þróast í að verða alvöru hluti af árangursdrifnu markaðsstarfi.



Við fengum til okkar sérfræðinga sem deildu bæði alþjóðlegri innsýn og raunverulegum dæmum frá íslenskum fyrirtækjum. Það sem stóð upp úr var hversu praktísk og mælanleg þessi nálgun getur verið þegar hún er rétt framkvæmd.

Leikjavæðing er meira en skemmtilegir leikir

Það er auðvelt að hugsa um leikjavæðingu sem eitthvað létt og skemmtilegt, eitthvað sem bætir aðeins við herferð. En það sem kom skýrt fram á morgunviðburðinum er að leikjavæðing er að þróast í strategískt tól sem styður við stærri markmið fyrirtækja.


Þegar hún er rétt notuð getur hún:

  • Aukið þátttöku langt umfram hefðbundnar auglýsingar.
  • Lengt þann tíma sem notendur eyða með vörumerkinu.
  • Og skapað dýpri tengingu sem erfitt er að ná með “passive” efni.


Ástæðan er einföld: notandinn verður virkur þátttakandi. Hann smellir ekki bara, heldur tekur þátt, velur, bregst við og upplifir.

Athygli, þátttaka og minnisfesting

Ein stærsta áskorun markaðsfólks í dag er athygli. Við erum stöðugt að keppa við mikið magn af efni og flest skilaboð fá aðeins sekúndubrot til að ná í gegn.


Leikjavæðing brýtur upp þetta mynstur. Í stað þess að vera eitthvað sem fólk skrollar framhjá, verður hún eitthvað sem fólk tekur þátt í og hefur áhrif á hvernig við munum eftir vörumerkinu.


Þegar notandi tekur ákvörðun, fær umbun eða tekst á við áskorun, þá virkjar það allt aðra upplifun en hefðbundin auglýsing.


Þess vegna sjáum við oft meiri athygli, lengri tíma fyrir framn efnið sem hefur þau áhrif að neytandinn man betur eftir vörumerkinu.

Byrjaðu á markmiðinu

ekki leiknum

Algengasta mistökin sem fyrirtæki gera er að byrja á röngum stað. Spurningin ætti ekki að vera: “Hvaða leik ætlum við að búa til?”


Heldur:

  • Hvað viljum við ná fram?
  • Hver er markhópurinn?
  • Hvar er hann í ferðalaginu?


Er markmiðið að:

  • Byggja upp vitund?
  • Auka þátttöku?
  • Safna gögnum?
  • Eða keyra sölu?


Þegar það er skýrt, þá fyrst á að velja rétta formið.


Einfaldur quiz getur verið fullkominn í einu tilfelli. á meðan skill-based leikur eða “spin to win” virkar betur í öðru. Lykilatriðið er að leikjavæðingin passi inn í stærra samhengi, en ekki sem stök hugmynd, heldur sem hluti af heildarstefnu.

Gögnin eru stærsta tækifærið


Eitt af því sem kom hvað sterkast fram á viðburðinum er hversu mikið tækifæri felst í gögnunum.

Flestir hugsa um: “Hversu margir skráðu sig?”


En það er bara byrjunin.


Leikjavæðing gefur miklu dýpri innsýn:


  • Hver byrjar en klárar ekki?
  • Hver kemur aftur og tekur þátt aftur?
  • Hvernig hegðar notandinn sér innan upplifunarinnar?


Þetta eru merki um áhuga, ásetning og tengingu við vörumerkið. Sem gerir fyrirtækjum kleift að sérsníða skilaboð betur, bæta endurmarkaðssetningu og taka upplýstari ákvarðanir.

Áhrifin enda ekki þegar herferð lýkur


Ein algeng hugsun er að herferð sé “búin” þegar hún klárast. En með leikjavæðingu er það í raun bara byrjunin. Þau fyrirtæki sem ná mestum árangri eru þau sem nýta gögnin áfram í beinni markaðsetningu, byggja upp endurmarkaðssetningar hópar (e. remarketing) og halda samtalinu lifandi.

Þannig verður leikjavæðingin ekki bara ein herferð heldur hluti af langtímasambandi.


Áhrifin sjást líka víðar en í beinum mælingum:

  • aukin leit að vörumerki.
  • meiri beinar heimsóknir.
  • sterkari tenging við vörumerkið.


Sem getur skilað sér í aukinni sölu, bæði online og offline.

Hvað þýðir þetta fyrir þitt fyrirtæki?

Leikjavæðing er ekki töfralausn. en hún er öflugt tól þegar hún er notuð rétt.


Ef þú ert að hugsa um að prófa:


  • Byrjaðu á skýru markmiði.
  • Hugsaðu leikjavæðinguna í stærra samhengi.
  • Ekki ofhugsa leikinn, einfalt getur virkað best.
  • Leggðu áherslu á hvernig þú nýtir gögnin eftir á.

Að lokum

Viðburðurinn sýndi skýrt að leikjavæðing er að færast nær kjarna markaðssetningar. Frá því að vera “nice to have” yfir í að vera raunverulegt competitive advantage.


Spurningin er ekki lengur hvort hún virkar, heldur hversu vel þú nýtir hana.